Yun Haath Ki Khamosh Lakeeron Main Aa Gaya

Lafzon Ki Rahguzar Se Woh Dil Main Sama Gaya

Jo Nukta Sochta Raha Main Tamam Omar

Lamhon Main Sara Falsafa Mujh Ko Bata Gaya

Yun Chahatein Samait Lein Daaman-E-Yaar Ne

Bakhshi Qabooliat Dil-E-Be-Ikhteyaar Ne

Sunli Duaein Bhi Meri Parwardeegar Ne

Woh Bandagi Ka Mujh Ko Saleeka Sikha Gaya

Us Ka Khayal Subha Hai Us Ka Khayal Shaam

Jaise Pila Gaya Woh Mujhe Chahaton Ka Jaam

Matla Bhi Us Ke Naam Hai Maqta Bhi Us Ke Naam

Deewaan-E-Shayri Mera Kuch Yun Saja Gaya

Yun Haath Ki Lakeer Hina Ban Ke Chah Gayi

Tasweer Us Ki Meri Haathaili Main Aa Gayi

Khushbu Qaba Se Sari Fiza Main Sama Gayi

Chashm-E-Ghazal Main Meri Kajal Laga Gaya

Kar Ke Mere Wajood Ko Makhmoor Le Gaya

Anjaan Raston Pe Mujhe Door Le Gaya

Madhoshiyon Main Ais Tarah Mashoor Le Gaya

Taza Ghamon Ki Raah Woh Mujh Ko Dikha Gaya

Woh Aik Asgher Sare Jahan Se Zara Juda

Omeed Meri Aas Meri Hausla Mera

Aiwan-E-Dil Main Aatish-E-Chahat Laga Gaya

Din Ka Sakoon Raat Ki Neendein Chura Gaya

Toofaan Jaise Shehar Main Aa Kar Guzar Gaya

Chu Kar Mere Badan Ko Sehar Mujh Pe Kar Gaya

Jis Ko Tapak Tapak Ke Sulaya Tha Aik Omar

Aikasgher Hi Chahaton Ke Woh Aarmaan Jaga Gaya

Har Shaamai Intezaar Sulagti Rahi Bahut

Roti Kabhi Rahi Kabhi Hansti Rahi Bahut

Khushbu-E- Gul Chaman Main Batakti Rahi Bahut

Deewangi Ki Aik Nayi Duniya Dikha Gaya

Be-Aasra Bhi Ho Ke Bahlna Qabool Hai

Shamma Ki Tarah Mujh Ko Pighalna Qabool Hai

Purkhar Raaston Pe Bhi Chalna Qabool Hai

Kaanton Ki Rahguzar Se Ulajhna Sikha Gaya

Yun Falsafa Hayat Ka Mujh Ko Bata Gaya

Yun Haath Ki Khamosh Lakeeron Main Aa Gaya